O ámbito de Solucións de análise xenómica avanzada está relacionado especialmente na vertente de predición e prevención da medicina 5P, aínda que tamén co enfoque poboacional. Iso é debido a que a análise xenómica avanzada permite identificar de forma precisa factores subxacentes a un amplo espectro de enfermidades, o que á súa vez facilita a predición da evolución da enfermidade e a selección de tratamentos personalizados. Iso vese potenciando pola integración con bases de datos clínicos e a minería de datos para cruzalos con información xenómica, permitindo mellorar a toma de decisións clínicas e a calidade do tratamento ofrecido.

A análise xenómica avanzada tamén se relaciona coa Prevención, xa que permite identificar de forma temperá as alteracións xenéticas que poden levar a unha enfermidade e previlas antes de que se manifesten clinicamente, mellorando a saúde da poboación en xeral. Finalmente, garda unha clara relación co enfoque poboacional da medicina 5P, ao permitir atender un amplo espectro de enfermidades, incluíndo as denominadas enfermidades raras, enfermidades pouco frecuentes que afectan a menos de 1 de cada 2.000 persoas e, por iso, reciben reducida ou nula atención por parte do sector privado.