A Dirección Xeral de Recursos Económicos do Servizo Galego de Saúde, como órgano de contratación, a través da correspondente Resolución dispón a apertura da Consulta Preliminar ao Mercado do Plan de Innovación Sanitaria PRECISAÚDE e aproba as súas bases publicadas na Plataforma de Contratos Públicos de Galicia.
A convocatoria de Consulta Preliminar ao Mercado surxe dentro dun novo modelo de relación co comprador, no que se busca de forma transparente, a participación de todo tipo de entidades e persoas físicas ou xurídicas, que teñan a voluntad de colaboración co SERGAS, para a identificación de propostas innovadoras que contribuirán ao proceso de desenvolvemento e execución de solucións e servizos no ámbito dos retos definidos no Plan de innovación sanitaria PRECISAÚDE.
O obxectivo da Consulta é que a partir das propostas recibidas, o SERGAS teña coñecemento suficiente das solucións máis innovadoras e óptimas existentes no mercado para o lanzamento de procedimientos de licitación posteriores na modalidade de Compra Pública Innovadora.
O novo Plan de innovación PRECISAÚDE conta cun financiamento agardado de ata 20 millóns de euros, que se distribuirán entre os seus 4 ámbitos prioritarios, dos cales se derivan os 8 retos innovadores para os que demandamos propostas de solucións innovadoras que aínda non estean no mercado.
Como participar na Consulta Preliminar ao Mercado de PRECISAÚDE?
- Os participantes deberán remitir as súas propostas cubrindo o formulario en liña accesible na URL https://precisaude.sergas.gal/formularioCPM o cal segue o modelo do ANEXO II formulario da convocatoria. Adicionalmente, deberase achegar como documento adxunto a declaración contida no modelo do ANEXO III debidamente asinada por un representante da entidade.
- Independentemente da remisión ou non de propostas mediante o formulario do ANEXO II, aquelas entidades interesadas en establecer colaboracións para concorrer á presente consulta, e as licitacións que dela póidanse derivar, poderán cubrir e enviar o formulario correspondente ao modelo do ANEXO IV de colaboración a través da URL https://precisaude.sergas.gal/colaboracionCPM
- As respostas recibiranse UNICAMENTE a través dos formularios en liña. O Servizo Galego de Saúde non terá a obrigación de considerar as respostas remitidas por calquera outro canle.
- Cada entidade poderá remitir diferentes propostas que dean respostas a diferentes retos ou agrupacións de retos empregando para iso acrónimos de proxecto diferentes. Igualmente, poderanse enviar sucesivas versións da mesma proposta, para o que se empregará o mesmo acrónimo, nese caso cada resposta enviada substituirá completamente á anterior. Por iso, a nova resposta deberá incluír todo o que se considere que segue sendo válido das anteriores.
- No caso de que unha resposta se presente por un grupo de persoas ou entidades, deberá empregarse unha única dirección de correo electrónico para os efectos de identificación da resposta e interlocución cos participantes.
- Os participantes presentarán as súas solucións en castelán ou galego.
- O prazo para a presentación de propostas finalizará o luns día 31 de xullo de 2023 ás 23:59 (PRAZO AMPLIADO).
Acto de presentación Plan de innovación sanitaria PRECISAÚDE
Acto de presentación Plan de innovación sanitaria PRECISAÚDE